Job 41

1 “Nga thang in Leviathan ^{▼▼41.1 Awle hi thei} kai zo in ^b
khau-in a leii hensak zo ding na hi hiam?
2 A nak sungah khau khumin ^c
sikkawi-in a khaguh sunlet thei ding na hi hiam? ^d
3 Na lainat ding hong ngengen ding ahi hiam? ^e
Kamdamin nang hong hopih ding ahi hiam?
4 A khantawnin na sila dinga na lak dingin
nang tawh thuciam bawl ding ahi hiam? ^f
5 Vasa noh bangin amah no-in,
na numeinote adingin khau na khih zo na diam?
6 Sumbawlte in van tawh hong khek ding ahi hiam?
Sumbukte lakah hawmthang ding uh ahi hiam?
7 A vun ah ngapi-thal thun zo in,
nga-teipi in a lu na bun zo ding hiam? ^g
8 A tungah na khutin va su lecin,
a baihlohna thei in hih nawn kei niteh! ^h
9 Amah thuzawh ding lametna in khialhna ahi hi;
a muhin mukha bek leng zong hong deepgawp pah hi. ⁱ
10 Amah phong ngam ding zaha hang kuamah a om kei hi. ^j
Tua ahileh kei langah kua pang thei ding ahi hiam? ^k
11 Kei thuk pelmawh dingin kua in kei hong pia hiam? ^l
Van kikupsin nuai-a na khempeuh kei aa ahi hi. ^m
12 “Ama guh le tang, a hatna le ⁿ
a pum pianzia a kilawmna ka gen lo thei kei hi. ^o
13 Kua in a puan tungnung hawkkhiatsak thei hiam?
Kua in a kamkaih bulh dingin naih ding ahi hiam? ^p
14 A kihtakhuai a hate a kigualh diudeuna
a kam vangte kua in phensak ngam ding hiam? ^q
15 A nungzang ah
lumphaw kigak cinten a gualgualin om ^{▼▼41.15 Ahikeh ama kiphatsakna ama aa hi a} a, ^s
16 khat le khat kizomin kicih bikbek ahi manin
a kikal ah huih a thawl kei hi.
17 Amaute khat le khat kimat bikbek uh hi;
a vekun kimat bikbek a, a kikhenkhia thei kei hi.
18 A hechiai in khuavak thehkhia ziahziah a;
a mitte zingsang nisuak tunga nizang bang hi. ^t
19 A kam panin selkang kuang luangkhia a, ^u
mei-ek le mei-sii kikhawhkhia hi.
20 Pumpeng kicih tunga tuilum beela tui so bangin
a nak vang panin meikhu suakkhia hi. ^v
21 A husan in meihol tawhkuang a,
a kam panin mei kuang zalzal hi.
22 A ngawng ah hatna oma,
a mai-ah lausakna masuan hi.
23 A satak kithuapnate kigak phitphet a,
amaute kipin a kitaangsak thei kei hi.
24 A awm suang bangin sak a,
angawina suangphah bangin a sak hi.
25 Amah a thawh ciangin thahatte lausak a;
a khesik ging mai-ah amaute nung kik uh hi. ^w
26 Namsau in kisat ta leh bangmah in vei lo a,
teipi, thaltang le tulzumte in zong a bun zo kei hi. ^x
27 Amah in sik, buhkung tawh kibangsak a,
sumngo, singmuat tawh kibangsak hi.
28 Thaltang in amah taisak zo lo a, ^y
sailungtangte ama adingin buhvai bang hi.
29 Khetbuka sat lah buhphal a sat bang a,
tulzuma khawh lah nuihsan lel hi. ^z
30 A khecin belpei hiam bang a,
buan lakah lokaihna hama bang hi,
31 Amah in tui thukna lokin beelpeipi solai bangsaka,
kizutna thawl bangin tuipi lokgawp hi. ^aa
32 Ama nungah tuihual kang dendan a,
tuipi samkang nei kisa hi.
33 Leitungah ama kimpih khat beek om lo a - ^ab
kihtak a nei lo ganhing ahi hi.
34 Amah in a kiphasakte khempeuh en niam a, ^ac
a kisatheite khempeuh tungah kumpipa ahi hi,” a ci hi. ^ad